سلسلة دروس صناعة لعبة بلاتفورم بالجيم ميكر 8 - الدرس الاول..الجاذبية والحركة الخاصة باللاعب

أهلا بكم في أول سلسلة دروس من دروسي للجيم ميكر 8..

هنبدأ بالبلاتفورم..

تذكير..الدرس مش عن كل حاجة..بس الاساس بتاع اللعبة.

في السلسلة دي هنتعلم نعمل :

• الجاذبية والحركة الخاصة باللاعب.
• إطلاق طلقات قابلة للتجميع والتجميعات.
• صناعة واجهة تظهر الطلقات والحياة.
• صناعة عدو طائر وواحد يمشي.
• بدايات في البرمجة.

أولا..هنبدأ بالنقطة الأولى..

الجاذبية والحركة الخاصة باللاعب.

هنعمل 2 سبرايت..

اول واحد اسمه: spr_player

وده بتاع اللاعب.

والثاني اسمه: spr_block

وده بتاع الحجر ال هيمشي عليه اللاعب.

ودلوقتي هنبدأ في البرمجة والأوبجيكتات..

هنعمل 2 اوبجيكت..

اول واحد اسمه: obj_block

والسبرايت بتاعه هو الحجر..وهنعلم على خاصية Solid

ونقفل الحجر..

بعدها ندخل على الثاني واسمه: obj_player

وهنعمل create event ونكتب فيها:

hp = 100; //health variable

bullet = 0; //bullet variable

can_jump = true; //jumping variable

can_shoot = true; //shooting variable

دلوقتي..هنشرح كل حاجة من المتغيرات دي..

hp هو الحياة..100 نقطة حياة.

bullet هو الطلقات..0 طلقة..مفيش حاجة اتجمعت.

can_jump هو متغير القفز..ف ميقدرش ينط اكثر من مرة ورا بعض.

can_shoot هو متغير الطلق..ف ميقدرش يطلق اكثر من مرة ورا بعض.

وبعدها نعمل press left key event

ونكتب التالي..

hspeed = -5; //walking to left 

image_xscale = -1; //looking at left

دلوقتي..ممكن تقول ايه معني ده..هنشرح كل حاجة دلوقتي..

hspeed ده متغير متعلق بالحركة بشكل أفقي..

image_xscale ده متغير متعلق بالسبرايت من ناحية النظر.. 

بعدها نعمل press right key event

ونكتب..

hspeed = 5; //walking to right
image_xscale = 1; //looking at right

وبعدها نعمل step event

ونكتب..

if place_free(x,y+1)
{
gravity = 0.7;
gravity_direction = 270;
}
else
{
gravity = 0;
gravity_direction = 270;
}

ده الكود بتاع الجاذبية

وبعدها نعمل collision with obj_block event

ونكتب..

move_contact_solid(direction,12);
vspeed = 0;
hspeed = 0;

can_jump = true;

ده كود للتأكيد ان ده حجر او ارض وكمان القدرة على القفز..

وكدة يبقي فاضل حاجة واحدة بس..القفز..

نعمل press up key event

ونكتب

if can_jump=true {
can_jump=false vspeed=-9)
}

ده بتاع القفز..وطبعا بيمنع القفز إلى ان الشخصية تلمس الحجر..

ودي نهاية الدرس اليوم :)